uf das hani kei luscht meh.

::

vorab:
ich ha e fetti to do liste i mim chopf, wie ich min webshop chan sött aber nöd wott optimiere.
wie ich wettbewerbsfähig bliib gegenüber allnä vill günstigere zuckerpastänä wo auno vill schneller bi dir sind.
es het vill luft nach obe, wie produkt präsentiert werded, online und offline, reviews und vill mails wo d gschicht vom produkt verzelled, wo über d inhaltsstoff educated und über’s rasiere abhäted.
wännd kei bock häsch uf talcfree powder nach miner eigne rezeptur, ja dänn striichder doch asbest ufs haar.
s pussyoil hät so edli ingredienziä, da chönti ewig verzellä, aber hey, sobald ich’s ergründet han, ziehni wiiter.
ich bin nöd dä verkäufertyp wo dir jedesmal di foif gröschtä benefits vo aloe vera abäbätet, nur wills du dir kei sekundä chasch merke und eigni recherche z asträngend isch. i know, es sind ja alli so verwirrt und überlaschtet, absolut navollziehbari offesichtlichkeit.
und wänn ich meega freud a öpisem han, spillts gar kei rolle, was du devo haltisch. aber wänn mini freud züglet, dänn sind so details eifach zum… motzä.

ich ha mega freud, wenn ich eini vo mine zuckerpastä cha verschickä, will ebä, big story und drum wichtigi bedütig für mich. aber hey, es hettet easy 4 zuckerpastä imä päckli platz und du chöntsch dini fründinnä no beliefere, aber nei, det stahni mit vill pinkem siidepapier um die eini dose ume. zvill luft und liebi für 10.50 porto und lang umestah.

es lohnt sich immer alles, wänns freud macht, das laht sich mit nüt ufwääge. aber wänn sie verreist isch, d freud, ja dänn wirds eklig.
di abglöschti schalterdame ufde uraniaposcht wo uf ihri näxte ferie hofft.

pure pain.
ich lösch dä webshop grad jetzt,
und bliib sane.